Igiciro ca "Essence" cadugijwe

Ubushikiranganji bw’ubutare n’amasoko ntanganguvu bwashize ahabona itangazo ryerekana ingene ibitoro bigiye kudandazwa mu Burundi muri uku kwezi kwa gatandatu.

Igiciro c’iritiro y’igitoro "Essence" cavuye ku mafaranga y’amarundi 1880 kija ku mafaranga ibihumbi bibiri (2000 Frs Bu).

Iritiro ya "Mazout" yagumujwe mu mafaranga yariko agera ku 1880. N’iritiro ya Petrol nayo ikaba yagumijwe ku mafaranga 1590.

Ubushikiranganji bw’ubutare n’amasoko ntanganguvu busigura iryo duzwa ry’igitoro "Essence" ryavuye ku gaciro k’ifaranga ry’Uburundi kagabanutse bagereranije n’agaciro k’ifaranga ry’idorare ry’Abanyamerika, hamwe n’igiciro c’akagunguru Baril caduze kw’isoko mpuzamakungu.