Accueil > Amakuru > Ubutungane > Moise Bucumi ariteguriye kwumvirizwa ku rupfu rwa Agnes Dury
Moise Bucumi ariteguriye kwumvirizwa ku rupfu rwa Agnes Dury
vendredi 27 Ruhuhuma 2015
Umushingamateka Moise Bucumi yahoze arongoye intara ya Ruyigi, ariteguriye kwumvirizwa n’umurwi uzova mu gihugu c’Ubufaransa, kw’igandagurwa rya Agnes Dury nk’uko bivugwa n’umushingwamanza wiwe.
Umushingwamanza Rodrigue Majambere avuga ko uwo asanzwe aburanira kuri urwo rubanza rwa Agnes Dury yiteguriye kwumvirizwa n’uwo murwi, ariko agasaba ko ukwo mu kwumvirizwa kw’uwo aburanira, n’umupfasoni Margarita Barankitse yoba ariho ari, kuko nawe amwagiriza ko ariwe yoba yakwiragije mu gihugu c’Ubufaransa ko Moise Bucumi azi integuro yo kugandagura uwo mufaransakazi. Uwo asanzwe aburanira uwo mushingamateka, akavuga ariko ko kugeza ubu atavyemezo bafise ko ari uwo mupfasoni yabivuze mu Bufaransa, ariko ko bavyikeka.
Naho biri uko, umushingamateka Moise Bucumi, abicishije k’uwumwunganira, bakaba barandikiye ubuserukizi bw’Ubufaransa i Bujumbura, basaba ako bohuzwa n’umupfasoni Barankitse Margarita asanzwe arongoye ikigo Shalom co mu Ruyigi, kugira bagirizanye. Umushingwamanza Majambere, akemeza ko uwo aburanira ari umwere, ko yiteguye ko kwumvirizwa kugira ivyo yikekwa bimuveko.
Mwokwibukako uwo mufaransakazi yiciwe ku murwa mukuru w’intara ya Ruyigi mw’ijoro ry’uwa 31 Kigarama umwaka w’2007. Igihe yicwa, umushingamateka Moise Bucumi, akaba yari buramatari w’iyo ntara. Umuryango wa Agnes Dury ukababazwa n’uko kugeza ubu, atashaka riboneka mu kurondera abishe uwabo, yakora mw’ishirahamwe ryitaho abagendana umugera wa SIDA.
Aristide Nizigire
Messages
27 Ruhuhuma 2015, 13:03, par nzoza yunus
ewe burundi bwacuugeze aho umwansi ashaka ko maggy yasutenye rugurika ubu niwe agezweho ewe cndd.fdd ugeze habi nukuri urateye isoni jewe nibazako ata muntu numwe muri mwebwe afise ubwenge bukwiye kuko iyoba mufise ubwenge muba murondera ingene mwihora nayo ahandi nta nubwenge nkubwinkoko mufise murateye isoni , mbega ninde yobemera atarabo munganya ubwenge basha murabeshe mwarahinyutse ipuuuu jewe nibaza ko mwibaza ko muzokwamaho kubutegetsi basha murabesha ivyo mwakoze muzoteba muvyishura isi irazunguruka bhahhhaa
28 Ruhuhuma 2015, 11:53, par muco
None arumwere, niyumvirizwe bihere. Uwo mupfasoni nawe, ko muvuga ko ata vyemezo mufise ko ariwe yavuze mu bufarasa ko Bucumi Moise ko ariwe azi integuro y’urwo rupfu, mwumva mutariko muramurenganya? Umushingamateka muzima arondera gukorera ku mwikeko. Ntamushingwamanza akorera ku makuru adafitiye ivyemezo.
2 Ntwarante 2015, 04:52, par Nuwera
Uwomukenyezu kuvahomboneye nawe yahinduriye bureau yiwe mumabaraba naba Pasifike yateye amakenga cane! kukontabwonarinziko amezegurtyo!?.