Advertisement
Kumenyekanisha
  IGIHE.bi \BB Amakuru \BB Ubutungane
Ububirigi bwasabwe kurungika mu Burundi Antoine KABURAHE
Yanditswe taliki ya 25-11-2015 - isaha 10:38' na IGIHE

Umushikirizamanza kizigenza wa Repuburika y’Uburundi yandikiye umushikiranganji w’ubutungane bw’uburundi amusaba ko yobwira igihugu c’Ububirigi kikarungika mu Burundi Antoine KABURAHE, asanzwe akurikiranwa n’ubutungane.

Umuyobozi w’ikinyamakuru IWACU Antoine KABURAHE yarengutse mu butungane ubwa mbere kw’igenekerezo rya 16 Munyonyo 2015, yitavye ku mutahe uvuga amatohoza mu ntumbero ya dosiye RMPG nomero 697/MA, ijanye y’ugushaka guhirika ubutegetsi kwabaye kw’igenekerezo rya 13 Rusama 2015. Inyuma y’ukwumvirizwa, Antoine KABURAHE yaratashe, bikaba bivugwa ko amaze hafi indwi abarizwa mu gihugu c’Ububirigi.

JPEG - 60 ko
Antoine KABURAHE, umuyobozi w’ikinyamakuru IWACU

Mw’ikete yanditse kuri uwu wa mbere, umushikirizamanza kizigenza wa Repuburika y’Uburundi Valentin BAGORIKUNDA yasavye umushikiranganji w’ubutungane bw’uburundi ko yobwira igihugu c’Ububirigi kikarungika mu Burundi Antoine KABURAHE, asanzwe akurikiranwa n’ubutungane.

Mw’itangazo ikinyamakuru IWACU casohoye, Anoine KABURAHE, umuyobozi w’ico kinyamakuru yamenyesheje ko yatangajwe n’ukwumva ubutungane busaba Ububirigi ko yorungikwa mu Burundi, kandi atigeze ahunga. Kaburahe yemeza ko yagiye mu Bubirigi gukurikirana inyigisho zijanye n’igitabu ariko arandika, kandi ko ata ngingo n’imwe yigeze afatirwa y’ukutarengana imbibe z’igihugu.

Ivyiyumviro vyanyu

POLE SANA MZEE IYO UYAYATA BARIKUKUMESA WARI GUSUBIRIRA MZEE MBONIMPA AHO BASIGAJE KUGARA COMPT ZANYU.(P,C

27.11.2015 à 20:48
NTIVYOROSHE

Imana iriho . Kandi ukuri kuzotsinda ikinyoma. Aha ! Ntawutarenganwa !

26.11.2015 à 20:58
Accro

Imanishimwe cane kowabacitse Niwibereho Imana Ikurinde amen.

26.11.2015 à 02:26
mariam

Muzi nezakoyarik’akurikiranwa nubutungane’none yabajanye murihe ? Kuki yabasohokany’igihugu mwobisiguragute ? Mwabagabo’’’’ nimuc’akenge’’’ukobaguma babajana niko bazobinjirana’’’kandi mumeny’iyotwavuye’mwibukeko twavuyekure’muhagarare nkingabo.

25.11.2015 à 21:44
james

We nyene yariyemereye ko atazohunga igihugu ariko ari hanze ;biteye amakenga gusa ikintu arondererwa kandi yaheruka kwumvirizwa agaca atahuka amarembe kirateye amakenga.

25.11.2015 à 21:06
Fafa

mbega yemwe, ubutegetsi nk,ubu, twopfuma dusubira mubukoloni. mureke yiyandikire igitabo turonke incabwenge nyinshi. erega tugeze habi kubera gutwarwa n, ibijuju vyibaza ko kwica ariko gutwara.

25.11.2015 à 17:10
maso

Felicitation M.Kaburahe kubona ubacitse ! Ntusubireyo ahubwo ca wigumira iyo !

25.11.2015 à 16:27
Pontien

Mureke Kumurondera Kk Mushaka Kumwica Kok Yavuz Ukuri.

25.11.2015 à 15:08
Théos

Mureke Kumurondera Kk Mushaka Kumwica Kok Yavuz Ukuri.

25.11.2015 à 15:06
Théos

None abo mwica baheze harumunsi wijana mutishe nka batanu

25.11.2015 à 15:01
Ariko manaaaa

Mushavujwe nuko agiyeye mutamumeshe abo mwirigwa murica nibenshi ntaco muhomye

25.11.2015 à 14:34
Rindira

yabacitse gute ?

25.11.2015 à 11:39
bakame

Arko kok Ubuyobozi bw’Uburundi burananiwe kbsa. Umuntu ukurikiranyweho ibyaha, numvise ejo bundi avuye kumvirizwa, none ngo ageze mu bubirigi !!!!!!!!!!!???? yagezeyo ate ? mwamuhaye impapuro ate kugira ngo agende ? shahu we reka babarase umunsi ku munsi nta nubwo mufite Control ku gihugu cyanyu ? Nibajije ni ukuntu Niyombare yabacitse kdi yarari mu gihgu ? rwose ntimuhe ubuyobozi ababushoboye, leta iriho wapi kbsa.

25.11.2015 à 11:27
john

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.