Accueil > Amakuru > Ubudandaji > Urudandazwa rw’inyuma y’ahahora isoko nkuru ya Bujumbura rwabujijwe
Urudandazwa rw’inyuma y’ahahora isoko nkuru ya Bujumbura rwabujijwe
lundi 13 Ruheshi 2016, par
Abacururiza inyuma y’ahahora isoko nkuru ya Bujumbura babujijwe gusubira kuhakorera, abaporisi akaba aribo bahazindukiye, bashira mu ngiro ingingo yafashwe y’ukubuza imirimo abo bahora bahadandariza.
Abarongoye igisagara ca Bujumbura bari batanze isango ntarengwa ryo kuri uwu wa mbere kugira abo badandaza bazobe bavuye muri ico kibanza, ariko abo badandaza bagasaba ko bokwerekwa ahandi bokorera kugira ntibicwe n’inzara.
Abo badandaza bagizwe ahanini n’abakenyezi batembereza ivyamwa hamwe n’imboga, bamenyesha ko batabona ingene bagiye kubaho, kuko bari batunzwe n’urwo rudandazwa ruto. Umwe mu baganiriye n’ikinyamakuru IGIHE yasiguye ko naho yokwerekwa inzu y’ukudandarizamwo ipangishwa, ko atoronka amafaranga y’ukuyiriha.
"Twagenda kwa Siyoni tukarangura nk’ivyamwa vy’ibihumbi cumi, tukaza ngaha kudandaza. Imana iguhezagiye ukunguka n’ibihumbi bibiri uca ugura indagara abana bakarara bariye. Batubwiye tuje mu yandi masoko, ata mahera ufise y’ugupanga ikibanza woshikira hehe? Nk’uwufise umutahe w’ibihumbi cumi yoja kudandariza hehe kandi bidakunda."
Abo badandaza basaba ubuyobozi bw’igisagara ca Bujumbura ko bwobaronsa ahandi badandariza batabanje kurihishwa amafaranga y’ibibanza.
Umukuru w’igisagara ca Bujumbura akaba amenyesha ko inyuma y’ahahora isoko nkuru ya Bujumbura hugawe, ko kizira ko hari uwusubira kuja kuhadandariza. Ku makenga y’abo badandaza bavuga ko batazoronka aho bakorera, Freddy MBONIMPA, umukuru w’igisagara ca Bujumbura avuga ko mw’isoko ya COTEBU hari ikibanza abo badandaza bagenewe.
IGIHE
Messages
13 Ruheshi 2016, 17:04, par kimetos john
ivyo ndabishimye kuko nintumva nibazikuruguture
13 Ruheshi 2016, 18:30, par Fify
Kweli ivyuburundi ntivyorosh jicobona basi ko badashaka kobohakorera mugani wabo nibaberekahoboja gusa ubuzma ntibuhagrar.
13 Ruheshi 2016, 19:37, par [email protected]
Bujumbura iraje imere nka kigali birigwa bararirimba. eterambere riraje ribereke ko ari ntakumigwa.
13 Ruheshi 2016, 19:44, par Nyaburunga
Abategetsi b’Uburundi muri agatangaza, none abantu bazokura hehe ay’ibiturire musaba muri vyose?
Ariko murindire, iyo chômage iri mu bantu niyo izobamatura ku butegetsi aho mwatobeye. Le printemps arabe yahereye aho: kwirukana abironderera gutora iryo basumisha.
14 Ruheshi 2016, 02:29, par MUYAHUDI
EMW NDASHIMIY ABAFASH IYONGINGO EREGA WAHORUMENGA NIMWISOKO KANDARI MWIBARABARA! MWAKOZ
14 Ruheshi 2016, 05:31, par ndayisaba william
Nibabareke Babe Barironderera Utuboga Twabana, Hama Icokibaza Nibaza Kugikoreramwo Icocagenewe ,bazoheza Bababisire!
14 Ruheshi 2016, 05:32, par ndayisaba william
Nibabareke Babe Barironderera Utuboga Twabana, Hama Icokibaza Nibaza Kugikoreramwo Icocagenewe ,bazoheza Bababisire!
14 Ruheshi 2016, 05:39, par MBONIMPA
MBONIMPA URIBUKA KO IZO ARIMPFUVYI NA BAPFAKAZI BAZOGUHUMIRA UZE UFATE INGINGO UUBANJE GUTEGURA EJOHAW URIBUKE ABAGUTANGURIYE GISWASWA ARIHEHE IHEREZO RYIWE RYABAYE IRYAHE ,
14 Ruheshi 2016, 05:39, par MBONIMPA
MBONIMPA URIBUKA KO IZO ARIMPFUVYI NA BAPFAKAZI BAZOGUHUMIRA UZE UFATE INGINGO UUBANJE GUTEGURA EJOHAW URIBUKE ABAGUTANGURIYE GISWASWA ARIHEHE IHEREZO RYIWE RYABAYE IRYAHE ,
14 Ruheshi 2016, 07:46, par Morodikayi Jon
Namye mvuga yuko iporitike ya babantu kwicuritse,ntamutegetsi akunda abanyagihugu biwe yo kwubahuka kubuza uriko ararondera icatungisha umuryango wiwe !.Umaze kubuza umuntu kwarondera ubuhisemwo kumutuma ati gendawibe,ubuzima bwomugisagara buragoye udahendaheze muburyo nkubwo ntushobora kubaho. iyo baba abantu bafise ivyiyumviro birashe,bari gufatiyongingo bamaze kubereka ahantu badandariza utwo tudandazwa ataco barinze kubasaba, ariko biracagoye kugira borohereze abakene, naburya ubutunzi bugeze ahatemba, bategerezwa gutemba umuryagihugu.
14 Ruheshi 2016, 08:05, par willynshimirimana
vyari bikwiye nibasange abandi kuri cotebu ntaco bagarariza retat nibintu bihaye nabariyo nabantu