IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > "Benshi bahungira muri Tanzaniya bibaza ko bazoronswa ubwenegihugu" - (...)

"Benshi bahungira muri Tanzaniya bibaza ko bazoronswa ubwenegihugu" - MAGUFULI

vendredi 21 Mukakaro 2017, par Egide NDUWIMANA

John POMBE MAGUFULI yamenyesheje ko ateye akamo abarundi bahungiye muri ico gihugu bashobore gutahuka mu Burundi ku bushake bwabo. Uwo aramutswa Tanzaniya yasavye kandi umushikiranganji w’intwaro yo hagati w’igihugu guhagarika gutanga ubwenegihugu ku mpunzi, kuko ku bwiwe bituma impunzi z’Abarundi zibandanya kwiyongera.

Umukuru w’igihugu wa Tanzaniya yasavye amashirahamwe asanzwe afasha impunzi muri ico gihugu ko atoza arigisha ko mu Burundi hari ingorane.

Muri iryo jambo yashikirije, umukuru w’igihugu wa Tanzaniya arizeza Abarundi bahungiye muri ico gihugu, ababwira ko batokwibaza ko bagiye kwirukanwa, kuko abazohunguka bazobikora ku bushake bwabo.

Mu rugendo umukuru w’igihugu Petero NKURUNZIZA yagize mu gihugu ca Tanzaniya kuri uwu wa kane, yasavye abarundi bahungiye muri ico gihugu ko bohunguka bakaza gufasha kwubaka Uburundi.

Mw’ijambo yashikirije i Ngara mu gihugu ca Tanzaniya, Petero NKURUNZIZA yamenyesheje ko mu Burundi hari amahoro, ahamagarira abarundi bari mu makambi y’impunzi gusubira mu gihugu cabo kugira baterere agacumu k’ubumwe mu kwubaka igihugu c’Uburundi.


Vianney BIKORIMANA

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.