CNARED:Imyiyerekano ntishobora gutuma ivyagiriji vy’abashingamateka ba Buraya bitagira agaciro

Urunani ruhurikiyemwo imigambwe itavuga rumwe na Reta CNARED rumenyesha ko imyiyerekano itunganywa na Reta idashobora gutuma ivyagiriji vy’abashingamateka ba Buraya bitagira agaciro,kuko hari ivyemeza vy’ibikorwa mu Burundi.

Inyuma y’imyiyerekano yatunganijwe na Reta y’Uburundi yiyamiriza ingingo y’abashingamateka b’Ubumwe bwa Buraya,Jeremie MINANI ajejwe kumenyesha amakuru mu runani CNARED amenyesha ko amabi abandanya gukorwa mu Burundi.

Jeremie MINANI amenyesha ko mu gihe amabi akorwa mu Burundi yojanwa imbere y’ubutungane bwigenga,vyofatwa nk’amabi yo ku rwego mpuzamakungu ahanwa na Sentare mpuzamakungu.

Kubwa Jeremie MINANI, nta gitangaza kuba Reta ihamagarira abantu kuja mu myiyerekano yiyamiriza ibishikirizwa n’abashingamateka ba Buraya,kuko ishaka kwerekana ko ata mabi akorwa mu Burundi.