Charles Nditije agiye gusaba ko umuhuza yofashwa n’abahinga ba UA na ONU

Kuva kuwa kabiri igenekerezo rya 28 Ruhuhuma , umwaka wa 2017 urunani CNARED ruhurikiyemwo imigambwe itavuga rumwe na Reta ruramutswa umukuru mushasha Charles NDITIJE, mu migambi afise harimwo gusaba ko umuhuza Benjamin Mkapa yoronswa abamufasha mu gikorwa co guhuza abarundi.

Charles NDITRIJE arongoye urunani CNARED amenyesha ko mu bikorwa azokora harimwo gusaba ko muhuza Benjamin Mkapa ashigikirwa n’abahinga b’ishirahamwe ry’Ubumwe bwa Afrika hamwe n’abahinga b’ishirahamwe mpuzamakungu ONU.

Charles NDITIJE amenyesha ko umuhuza Benjamin Mkapa , mu gutumira abitaba ibiganiro atigeze ashaka gukora ikintu cobabaza Reta y’Uburundi,kuko urunani CNARED rutera ubwoba Reta y’Uburundi.

Umukuru w’urunani CNARED avuga ko abahinga b’ishirahamwe ry’Ubumwe bwa Afrika n’ishirahamwe mpuzamakungu ONU bofasha umuhuza Benjamin Mkapa gukora ataho ahengamiye.

Umukuru w’urunani CNARED afise ikiring c’amezi 9 arongoye urwo runani.