Urunani CNARED rusaba igenwa ry’umuhuza mushasha ataho ahengamiye

Urunani rw’imigambwe itavuga rumwe na Reta CNARED-GIRITEKA rusaba umuhuza Yoweri Kaguta MUSEVENI gukorana n’abakuru b’ibihubu vy’akarere kugira bagene uwundi ataho ahengamiye kandi abishboye yosubirira Benjamin Mkapa.

Mw’itangazo ryateweko umukono n’umuvugizi w’urunani CNARED-GIRITEKA Pancrace CIMPAYE kuri uno wa mbere igenekerezo rya 30 Nzero umwaka wa 2017,urwo runani rumenyesha ko rutacizeye umuhuza Benjamin Mkapa kuko yerekanye ko ahengamiye ku butegetsi bw’Uburundi.

Muri iry tangazo urunani CNARED-GIRITEKA rumenyesha kandi ko rwizeye ibiganiro bihagarariwe n’ibihugu vy’akarere ka Afrika y’Ubuseruko,bihagarariwe n’umukuru w’igihugu c’Ubuganda Yoweri Kaguta MUSEVENI.

Haraheze iminsi mike urunani CNARED rumenyesheje ko rutiteguye kwitaba ibiganiro bitumweko n’umuhuza Benjamin Mkapa,urwo runani rukavuga ko umuhuza Benjamin Mkapa yerekanye ko ashigikiye uruhande rwa Reta