Abaririmvyi bazohiganwa mu gice ca nyuma ca Primusic n’indirimbo bagiye baririmba

Mu gihe hasigaye iminsi itarenga ibiri kugira hamenyekane umuririmvyi azotsindira agahembo k’ihiganwa rya Primusic ryari rimaze igihe rica mu ntara zose z’igihugu, abaririmvyi batandatu basigaye mw’ihiganwa babandanya basaba amajwi incuti n’abagenzi babo.

Dr Jose Chameleone azoba ari mu giteramo

Igice ca nyuma c’ihiganwa rya Primusic kizoba inyuma y’iminsi ibiri hazoba ari kw’igenekerezo rya 30 Myandagaro ku kibuga c’ishure y’imyuga "ETS KAMENGE". Abaririmvyi batandatu basigaye mw’ihiganwa iyo bariko bahabwa inyigisho n’umuhinga yavuye mu gihugu ca Kenya, basaba abakunzi babo kubaha amajwi. Amazina yabo n’uko mushobora kubatora mubisanga mw’isanamu mubona munsi y’iyi nkuru.

Ibirori bizoba birimwo abaririmvyi bakunzwe cane bo mu Burundi nka Farious, Sat-B, Patient Matabaro, Rally Joe, Yoya, Mkombozi, umurwi Peace & Love, Steven Sogo, T-Max n’abandi, hamwe n’umuririmvyi mpuzamakungu Dr Jose Chameleone. Kwinjira kuri uwo munsi azoba ari amafaranga y’amarundi igihumbi (1000frbu) hamwe n’ibihumbi bitanu (5000frbu) mu vyicaro vy’iteka.

Raba aha munsi abaririmvyi 6 basigaye umenye indirimbo zabashikanye muri ico gice.