Accueil > Poritike > Abashingamateka ba Uprona basaba CNTB kwubahiriza amategeko
Abashingamateka ba Uprona basaba CNTB kwubahiriza amategeko
dimanche 31 Ntwarante 2013
Abashingamateka bakomoka mu mugambwe w’abadasigana Uprona basaba umurwi w’igihugu utatura amatati y’amatongo n’ayandi matungo CNTB guhagarika vy’imfatakibanza ingingo zo gukura mu matongo abagirizwa ko atabegukira.
Kubw’umushingamateka Bonaventure Gasutwa, bakwiye kurindira ikigega co gushumbusha abakuwe muri ayo matongo hamwe n’ishingwa ry’umurwi w’ukuri no kurekuriranira. Amanyesha ko umurwi CNTB uriko uhonyanga amasezerano ya Arusha, n’ibwirizwa shingiro ry’igihugu c’Uburundi mu kwibagira ugusubiza hamwe kw’abarundi mu ngingo zose zifatwa.
Ubwo butumwa bwo mu mugambwe w’abadasigana Uprona butanzwe mu gihe imiryango ibiri yo muri komine Nyakabiga na Ngagara, mu gisagara ca Bujumbura iheruka gusohorwa mu mazu yahoramwo.
Umuvugizi w’umurwi CNTB yemeye kugira ico abivuzeko, tukaba tuzobibamenyesha mu makuru yacu yo hanyuma.
Egide Nduwimana
