Accueil > Amakuru > u Burundi > Abazitoza basabwa gushikana ibimenyetso bizobaranga mu murwi (...)
Abazitoza basabwa gushikana ibimenyetso bizobaranga mu murwi CENI
vendredi 10 Ndamukiza 2015, par
Mu murwi CENI bavuga ko bafise impungenge y’ingorane izohava yibonekeza ku bijanye n’ibimenyetso bizokoreshwa n’abazitoza, ariko muri uwo murwi bagasaba abanyamigambwe kutazotanga ibimenyetso bisa.
Umurwi ujejwe gutegura amatora CENI (Commission Eléctorale Nationale Indépendante) urasaba abanyamigambwe, kuba bashikanye ibimenyetso biranga imigambwe yabo kuri uno wa 11 Ndamukiza. Ariko rero mu murwi CENI bamenyesha ko batanguye kubona ingorane izohava yibonekeza, ku bijanye n’ibimenyetso abazokwitoza bazokoresha mu kwiyamamaza hamwe n’amabara n’ivyo bindi bimenyetso bizoja kw’ikarata y’itora.
Mu murwi CENI bibutsa abanyamigambwe ko kizira kikaziririzwa gutanga ibimenyestso canke amabara asa, nk’uko biri mu ngingo y’102 y’itegeko rigenga amatora.
Tubibutse ko kuri uno wa gatandatu, ariryo sango rya nyuma ku bazitoza ku rwego rw’abajenama b’amakomine, kuba bashikanye amadosiye yabo mu murwi CENI. Kuwa 16 Ndamukiza, nayo akaba ariryo sango rya nyuma, ryo gushikiriza amadosiye, kubashaka kuzitoza ku rwego rw’abashingamateka.
Floxella Karire
