Accueil > Amakuru > Poritike > ADC Ikibiri ntizokwitaba ibiganiro vyateguwe n’inama nshingamateka
ADC Ikibiri ntizokwitaba ibiganiro vyateguwe n’inama nshingamateka
jeudi 12 Kigarama 2013
Mu runani ADC Ikibiri ruhurikiyemwo imigambwe itavuga rumwe na Reta bavuga ko batazokwitaba ibiganiro vyatunganijwe n’ibiro vy’inama nshingamateka y’Uburundi kuva kw’igenekerezo rya 19 gushika kurya 20 Kigarama 2013. Imvo y’ukutazokwitaba ivyo biganiro, n’uko ADC Ikibiri imenyesha ko inama nshingamateka y’Uburundi idafise ububasha bwo gutunganya ico gikorwa.
Inyuma y’aho integuro y’uguhinyanyura ibwirizwa shingiro itereye impari, imigambwe itavuga rumwe na Reta yarasavye ko iyo nteguro yovanwa mu nama nshingamateka, ikagarukanwa kugira abandi bose baterere ivyiyumviro vyabo ku ngingo zohinyanyurwa. Ukutumvikana kwarabonetse ku nzira vyofata kugira bamwe n’abandi baterere ivyiyumviro vyabo. Umugambwe uri ku butegetsi CNDD FDD wamenyesha ko abashingamateka, ari nabo batowe n’abanyagihugu bafise ububasha bwo kwigira hamwe ihinyanyurwa ry’ingingo zashikirijwe n’inama nshikiranganji, abandi n’abo bafise ivyo bashikiriza bakabishikanira inama nshingamateka.
Mu migambwe iri mu runani ADC Ikibiri bagumye bamenyesha ko icipfuzo cabo ari ukubona iyo nteguro ivanywe mu nama nshingamateka kugira nabo batange ivyiyumviro vyabo. Inama nshingamateka yaciye ifata ingingo y’uko yotunganya ibiganiro kuva ku genekerezo rya 19 gushika ku genekerezo rya 20 Kigarama 2013. Muri ivyo biganiro, abari mu migambwe itavuga rumwe n’ubutegetsi, abahurikiye mu mashirahamwe adakiranira ivyicaro vya poritike bazoshobora gushikiriza intererano zabo. Urunani ADC Ikibiri rumenyesha ko badashobora kuzokwitaba ivyo biganiro vyatunganijwe n’inama nshingamateka.
- Léonce Ngendakumana arongoye urunani ADC - Ikibiri
Léonce Ngendakumana arongoye urunani ADC Ikibiri amenyesha ko batazokwitaba ivyo biganiro kuko inama nshingamateka ishaka gukora igikorwa kitari rwaco. Kubwa Léonce Ngendakumana, abashingamateka bari bakwiye gusubiza inyuma iyo nteguro, ikagaruka muri Reta, maze abashingamateka bakarindira ko borungikirwa integuro nshasha yumvikanyweko na bose, gutyo bagashobora kuyiga. Léonce Ngendakumana arangiza amenyesha ko badashobora kwitaba ivyo biganiro kuko ata kintu na kimwe kibemeza ko n’ivyo bopfundika muri ivyo biganiro vyofatirwako mu kwemeza iyo nteguro y’ibwirizwa shingiro.
Egide Nduwimana
Messages
12 Kigarama 2013, 20:24, par kibiri
Murashake mureke nubundi nta vyiyumviro vyubaka mufise uretse akajagari. Ni muhebe ivyo biyayuramutwe mwishinga kwuha!!!
13 Kigarama 2013, 09:20, par zeka
Ariko mu bahutu harimwo abashobora kuba barariye imiti. Sinshobora kumva ibijuju nkabo bagabo bo muri adc ikibiri,aho kwitaho ingorane abahutu bafise nkako kajagari ko kuri universite aho abatutsi bamwe bamwe bashaka kubandanya Ka karenganyo, ivyo bigabo navyo vya adc bikibandanira kwitaho inda zabo gusa. Muri ivyitso vyuzuye kabisa. Mwitegure kuzobona 5% gusa mumatora 2015. Kandi nahone muzatogwa nabataye umutwe nkanyu gusa. Ikinezera nuko umengo na Rwasa atanguye kubamenya, yari yaratevye