Accueil > Amakuru > Poritike > ADC Ikibiri yiteguriye kwitura umukuru w’igihugu
ADC Ikibiri yiteguriye kwitura umukuru w’igihugu
mardi 24 Kigarama 2013
Umukuru w’urunani ADC Ikibiri amenyesha ko ubutungane ataribwo bugipfunze Ferederiko Bamvuginyumvira, ahubwo ko yagumijwe mw’ibohero rikuru rya Mpimba n’ubutegetsi bwo mu Burundi.
Léonce Ngendakumana, arongoye urunani ADC Ikibiri ashikiriza ko ubutungane bwamaze gukora akazi kabwo igihe bwafata ingingo y’uko Feederiko Bamvuginyumvira arekurwa vy’agateganyo, ariko abanje gutanga ingwati y’amafaranga y’amarundi umuriyoni, mu nyuma ata n’umwanya urahera aca asabirwa kugumizwa n’umunyororo n’umushikirizamanza mukuru aserukira sentare yo kurwanya ibiturire. Uwo arongoye urunani ADC Ikibiri amenyesha ko Ferederiko Bamvuginyumvira yahoze ari icegera ca mbere c’umukuru w’igihugu ariko azira ko yoba ariwe ubutegetsi bwikeka ko yoserukiye urunani ADC Ikibiri mu matora y’umukuru w’igihugu yo mu mwaka w’2015. Kubwa Léonce Ngendakumana, Ferederiko Bamvuginyumvira co kimwe na Hussein Radjabu bazira umukeko wa poritike.
Mu runani ADC Ikibiri bamenyesha ko bagiye kwitura umukuru w’igihugu asanzwe abifitiye uburenganzira, bamusabe ko yogira ico avuga kuri "uwo mupfungwa w’inzirakarengane"
Tubibutse ko Bamvuginyumvira Ferederiko yasubiriye kwitaba imbere ya sentare ntahinyuzwa ku munsi w’ejo kuwa mbere. Yarumvirijwe kuva mu gatondo gushika nk’igihe c’isaha umunani. Abamuburanira n’umuryango wiwe bakaba barindiriye ko ubutungane bwofata ingingo y’uko ashobora kurekurwa aburane yidegemvya.
![](local/cache-vignettes/L600xH450/fred-2-256f7.jpg?1517309178)
Egide Nduwimana
Messages
26 Kigarama 2013, 08:03, par Kabizi
Itegeko sha Léonce ryo kumupfunga ryavuye hejuru(hamwe hatabaho).None ukomorwe n’incarwatsi witware kw,Isato?Imare agashavu urabe!