Accueil > Ubutunzi > Amasezerano yo muvy’ubutunzi akwiye kwisunga inyungu z’igihugu
Amasezerano yo muvy’ubutunzi akwiye kwisunga inyungu z’igihugu
lundi 27 Rusama 2013
Ishirahamwe OAG (Observatoire de l’Action Gouvernementale) rikurikiranira hafi ibikorwa vya Leta ryatunganije kuri uyu wa mbere uruganda rwo kurabira hamwe ishirwa mu ngiro ry’amasezerano y’ivyubutunzi y’i Cotonou, yateweko umukono mu mwaka w’1975 i Lome mu gihugu ca Togo.
Muri urwo ruganda rwari rwatumiwemwo n’abaserukira abanyagihugu (abashingamateka n’abakenguzamateka), abahinga muvy’ubutunzi berekanye akunguko Uburundi bwoba bwarakuye muri ayo masezerano ahuza ibihugu vyo muri Afrika, ivy’iburaya n’ibindi bihugu.
![](IMG/jpg/dscn4612.jpg?1369661831)
Ikiboneka n’uko mwene ayo masezerano aterwako umukono aba afise ihangiro yo kurwanya ubukene mu bihugu vyo muri Afrika, ariko bidashika kw’isemo rirashe kuko ibihugu vyo muri Afrika bitaraba neza uburyo bwo kubungabunga inyungu zavyo zishobora gushika kw’iterambere.
![](local/cache-vignettes/L448xH336/dscn4609-0715b.jpg?1518448680)
Mu gihe ayo masezerano asigaje imyaka indwi gusa kugira ikiringo c’ayo kirangire, abahinga basavye ko abatora amategeko boba bariga ayazoyasubirira, arimwo ingingo zitomoye zituma inyungu z’Uburundi zigera kw’iterambere.
Inyigisho zikwiye zohabwa abasanzwe baserukira igihugu muri mwene ayo masezerano, maze ivyigwa vy’abahinga bigakorerwako, gutyo ntibagaruke kwiyumvira kuyora basheshe mu gutera umukono ku masezerano abandanya atungisha ibihugu rutura, nayo abanyagihugu bo muri Afrika bugarijwe n’ubukene.
Egide Nduwimana