Accueil > Ubutunzi > Banki nkuru y’igihugu yiteguriye kugera aho itageze mu myaka (...)
Banki nkuru y’igihugu yiteguriye kugera aho itageze mu myaka 50
vendredi 6 Ruheshi 2014
Umukuru wa banki nkuru y’igihugu, Yohani Ciza, amenyesha ko banki arongoye irangura neza imirimo yishinze, haba mu kugenzura ikoreshwa ry’amahera, hamwe no gufasha kugira igihugu gitere imbere.
Mu kiganiro yahaye abamenyeshamakuru kuri uno wa gatanu, uwurongoye ibanki nkuru y’igihugu amenyesha ko mu myaka mirongo itanu iheze ibanki nkuru y’igihugu yaranguye neza imirimo yiyemeje, yaba kugenzura ibiciro, ikoreshwa ry’amahera hamwe no gufasha kugira igihugu gitere imbere. Iyo banki kandi yarakoze ibijanye n’ukugenzura amabanki y’ubudandaji hamwe n’amashirahamwe yo kuguranana ko akora neza. Ikindi kandi iyo banki isanzwe ishinzwe ni ukuraba ko amafranga atoguma ata agaciro.
- Yohani Ciza, umuyobozi wa banki nkuru y’igihugu
Urugero rw’ingene ibiciro bigenda birahindagurika (taux d’inflation) rugenda rugabanuka uko imyaka igenda. Mu mwaka uheze, ibiciro vyahindaguritse gushika ku bice 7,9 kw’ijana, mu gihe muri uno mwaka gushika mu kwezi kwa Ndamukiza vyahindaguritse gushika ku bice 4,8, nk’uko Ciza Yohani Ciza, umukuru wa banki nkuru y’igihugu abandanya abishikiriza.
Ku cerekeye naho ifaranga ry’agaciro, aho mu mwaka w’1971 idorari ry’abanyamerika ryagurwa ifaranga ry’amarundi, ariko muri uno mwaka w’2014 rikaba rigeze ku mafranga y’amarundi arenga 1500, asigura ko atari ibanki nkuru y’igihugu ishinga ibiciro, ahubwo isoko n’iyo ishinga ivyo biciro.
Muvyo banki nkuru y’igihugu igiye gukora rero akaba ari ukubandanya bafata iyo ntumbero nyene yo kuraba ingene ibiciro vyoguma ku rugero rumwe ntibibandanye biduga. Ibanki nkuru y’igihugu igiye kandi kubandanya ihanahana ubumenyi n’ayandi ma banki yo mu karere hamwe n’amabanki y’ibihugu biteye imbere, kugira iyo banki nayo ije ku rugero rw’ayandi ma banki na rirya Uburundi buri mu bihugu vyateye umukono ku masezerano ajanye no gukoresha ifaranga rimwe (union monétaire) mu bihugu vy’umuryango wa Afrika y’ubuseruko.
![](IMG/jpg/dsc00241.jpg?1402069159)
Tubibutse ko ibanki nkuru y’igihugu imaze iminsi itanu yigina imyaka 50 imaze ibayeho. Kuri uno wa gatanu ikaba yari yatunganije inama (symposium) yahuza ibihangange mu vyerekeye ubutunzi, hamwe n’abagize ivyigwa bijanye n’ubutunzi mu ntumbero yo kwiga no kuganira ku vyerekeye poritike ijanye n’amafaranga kugira bikunde ubutunzi bw’igihugu bwisununure.
![](IMG/jpg/dsc00244.jpg?1402069159)
Floxella Karire
Messages
7 Ruheshi 2014, 11:46, par samuel
Sangwa yubire BRB!!
7 Ruheshi 2014, 22:26, par ANU
SI ANNIVERSAIRE GUSA NA PORE KUKO YARAHATWE GUSHA.