Bujumbura : Abanyeporitike barasubira guhurira hamwe bayage

Abanyeporitike b’abarundi barasubira guhurira hamwe kugira bayage ku bijanye n’urupapuro rw’inzira, mu ntumbero yo gutegura amatora meza yo mu mwaka w’2015.

Muri ivyo bikorwa vy’iyo nama biza kuba vyatewe iteka n’icegera ca mbere c’umukuru w’igihugu Prosper Bazombanza, abanyeporitike nka bose bikavugwa ko batumiwe mu ntumbero yogutsimbataza icuka ciza mu migambwe, n’aho bamwe mu migambwe bemeza ko kuva bahuriye mu Kayanza aho bumvikana urupapuro rw’inzira, ivyari vyumvikanywe bitashoboye kuja mu ngiro, kuko icibwamwo ubunywenywe imigambwe vyabandanije, ndetse n’imigambwe yipfuje gusubizahamwe yagiriza ubushikiranganji bw’intwaro yo hagati mu gihugu, kuba bwarabigizemwo uruhara mu kubaburagiza.

Mukamenya ko ivyo bikorwa biriko bibera mw’ihoteri Source du Nil, biriko biba Reta y’Uburundi ifashanije n’ibiro vy’uwuserukira ishirahamwe mpuzamakungu ONU mu Burundi.