Accueil > Amakuru > Poritike > Bujumbura : Amaraso niyo ari imbere y’ingoro 3 za CNDD-FDD
Bujumbura : Amaraso niyo ari imbere y’ingoro 3 za CNDD-FDD
mardi 8 Gitugutu 2013
Abagumyabanga ba CNDD-FDD bo mu makomine ya Ngagara, Kinindo na Nyakabiga bikanguye basanga amaraso ariyo atemba imbere y’ingoro z’umugambwe wabo, aho ndetse muri komine ya Ngagara ho ibendera rya CNDD-FDD ryaturiwe.
- Ibendera ry’umugambwe CNDD-FDD ryaratabuwe, bongera baricapako umusaraba
Abakoze ivyo rero bikaba biboneka ko bafashe umwanya ukwiriye, kuko bisa n’ukwo boba bahereye muri komine ya Ngagara, aho ibendera ry’uyo mugambwe ryaturiwe, bakaba cane cane baturiye ibimenyetso biranga uyo mugambwe harimwo inkona, bahejeje baca baturira iruhande y’ivyo bimenyetso, bacapa ko ikimenyetso c’umusaraba.
![](IMG/jpg/dscn2568.jpg?1381225131)
Ku bw’abarongoye umugambwe CNDD-FDD muri ayo makomine, bose bakaba biyamiriza ivyaraye bikozwe, aho bamwe basa n’abavyagiriza abo batavuga rumwe muri politike. Basaba inyamiramabi ko zogira amatohoza, kuko kw’igenekerezo rya 18 Nyakanga, amabendera 16 y’umugambwe CNDD-FDD yaribwe mu gisagara ca Bujumbura, ababikoze bakaba n’ubu batafashwe. Kuva rero ayo mabendera 16 yibwe, abagumyabanga bo mu gisagara ca Bujumbura, bakaba baciyebafata ingingo yo kuza baramanura amabendera y’umugambwe wabo.
Gaspard Nimubona arongoye umugambwe CNDD-FDD muri komine ya Ngagara, avuga ko abakora ivyo ari abatinya amatora yo mu mwaka w’2015, canke abipfuza ko yogenda nabi. Ari naco gituma ahamagarira abari mu migambwe yose kwubahirizanya, na cane cane abo muri komine ya Ngagara, kuko iyo ngendo mbi itari imenyerewe muri iyo komine asanzwe arongoye mu mugambwe.
![](IMG/jpg/dscn2560.jpg?1381225131)
Aristide Nizigire
Messages
8 Gitugutu 2013, 04:29, par amakute
birateye amakenga kubona abantu bikoza iyo nyifato.... abarundi turakwiye kuja hamwe tukubaka uburundi bwacu.
8 Gitugutu 2013, 04:55, par Whitaker
Igihe ama permanence ya MSD yasigwako ibiterasoni vyabaye akamizwe n’ingoma ariko ubu hinge urabe ibikurikira....
8 Gitugutu 2013, 09:11, par gasongo
wosanga ari aba dede baryituririye ngo babandanye itarabwoba
8 Gitugutu 2013, 09:36, par ntirampebafanuel
ABOBOSE BAKOR UKO,BAKWIYE KUBIREKA,BARIKO BIRUKA NI JORO,NGW AKATARETSE NAKO KABA GASEMA!
8 Gitugutu 2013, 10:42, par abateka
abapfasoni biburundi! ntidushoka kuzasubira mwishamba ababashingantahe batumwamwaje
9 Gitugutu 2013, 06:24, par kagufi
huyumushinga ntahe bagosoro kozi igifansa cyishi biteye amakenga
9 Gitugutu 2013, 06:33, par twaravimbuye
Hiyo bagosora azakurongora abandi bagore ntagobaba barafunze? abakiga baragushutse bakuzira kugipeso kimwe