Bujumbura : Ntivyoroshe gutora abazoserukira abandi muri Primusic

Muri komine ya Kanyosha niho habereye igiteramo c’ihiganwa rya primusic, mu gihe hagombwa gutorwa abaririmvyi 12 kuri 20 bari baratowe mu bandi ngo baze baserukire igisagara ca Bujumbura.

Ico gikorwa co gutora abaririmvyi 12 nticari coroshe kuko muri abo bose 20 bari batowe mu bandi wabona basa n’abanganya ubuhinga. Ico giteramo rero citabwe n’abantu benshi ugereranije n’abagiye baracitaba mu ntara zindi zitandukanye n’aho imvura yariko iragwa kandi ari nyinshi. N’aho iyo mvura yagumye iriko iragwa ari nyinshi, abanyagihugu nticababujije ko bakura agahuzu bagatamba indirimbo z’abaririmvyi nka Mkombozi, Rally-Joe na Sat-B basanzwe ari abaririmvyi b’abarundi.

Umurwi ujejwe gutanga amanota ukaba waciye uja mu mwiherero maze uratora abantu 12 bazoserukira igisagara ca Bujumbura. Muri abo hakaba harimwo abasore, inkumi ndetse n’abagabo. Twobibutsa ko uyu murwi wabiga abazoserukira abandi muri iri higanwa rya primusic wari ugizwe n’abantu batatu, inyuma yo kwongeramwo abandi babairi aribo Steven Sogo umuririmvyi akundwa cane n’abantu benshi, hamwe na Amri Pro, asanzwe ari umuhinyanyuzi.