Uduhanga 2 tw’abantu dutekeye neza twafatiwe ku kibuga c’indege

Hari uduhanga tubiri duhejeje gufatirwa kukibuga c’indege ca Bujumbura aho twari dutekeye neza, turungitswe mu gihugu ca Tayilande.

Amakuru ava kw’iradiyo ijwi ry’abanyagihugu RPA, avuga ko utwo duhanga tubiri twari dutekeye neza kandi tukaba twari tuje tuva muri posita, bivugwa ko twoba twari turungitswe n’uwitwa Kasim naho iryo zina batibaza cane ko ryoba ari iry’uwo yari aburungitse. Igipolisi c’Uburundi gikorera ku kibuga c’indege mpuzamakungu ca Bujumbura kikaba cafashe utwo duhanga tubiri, gikoresheje ivyuma vyabo vya karuhariwe mu gusaka.

Gushika ubu uwari arungitse utwo duhanga n’uwari aburungikiwe ntibaramenyekana neza, ariko amatohoza akaba yatanguye nk’uko bishikirizwa n’umukuru w’ikiguga c’indege ca Bujumbura. Ico gikorwa cagenze neza ndetse nta n’umutekano cahungabanije.