Accueil > Amakuru > Poritike > Abanyamigambwe bakwiye kumenyera gushira aho intahe ishize
Abanyamigambwe bakwiye kumenyera gushira aho intahe ishize
mercredi 8 Rusama 2013
Umuhuza w’abarundi nyakubahwa Mohamed Rukara, yakiriye mu biro iwe Godefroid Mokamanede umuhinga mw’ishirahamwe ry’ibihugu vya Afrika mundyane zaduka mu bihe vy’amatora.
Muvyo bayaze kuri uyu wa gatatu igenekerezo ry’8 Rusama 2013, harimwo ukwutumvikana ko kwaduka mu Burundi mu gihe c’amatora yo mu 2015.
Ku bwa Mokamanede umuhinga mw’ishiramwe ry’ubumwe bw’Afrique yigeze kuba kandi umushikiranganji mu gihugu ca Centre Afrique, yamenyesheje ko imigambwe yomenyera kuza irashira aho intahe ishize mu bihe vy’amatora kuko haburana babiri hagatsinda umwe.
Yongeye aramenyesha ko hokwama hategurwa ibiganiro vyohuza abanyamigambwe bose kugira bame bakorera mu muco, ku neza y’igihugu n’abakibamwo bose.
Floxella Karire
Messages
8 Rusama 2013, 13:39, par Mpabonimana jean Berchmans
Vyoba arivyiza abarundi bamenye ko haburana babiri hagatsinda umwe ariko kandi uwatsinze nawe ategerezwa gutsindira bose