Burundi: Ibanki CRDB-Inyenyeri izofasha mw’iterambere

Ibanki CRDB imwe mu mabanki akomeye mu gihugu ca Tanzaniya iheruka gutanguza ibikorwa IBujumbura ikaba izofasha mu bikorwa vy’iterambere m’UBurundi.

Ibanki CRDB imwe mu mabanki akomeye mu gihugu ca Tanzaniya yaratanguje ibikorwa mu gihugu c’UBurundi ikaba yatanguje umutahe ungana n’imiriyoni cumu z’amadorare y’abanyamerika.Uretse uwo mutahe muvyo ubudandaji,iyo banki ikaba yemeye kuzofasha mu gisata c’indero mu mashuri yisumbuye hamwe no mu gisata c’inkino.

Ni muri iyo ntumbero nyene igihe yariko arashikiriza ijambo mu birori vyo kwugurura ibikorwa vy’iyo banki umukuru w’iyo Banki m’UBurundi Docteur Charles Kimei,yavuzeko bazotanga amafaranga angana ibihumbi 20 000 vy’amadorari y’abanyamerika mu gushigikira umukuru w’igihugu mu nyubako y’ikibuga mpuzamakungu kizokwubakwa mu ntara ya Cibitoki,akaba yaremeje kandi ko bazokorera abanywanyi ibikorwa bishimishije.

Umukuru w’ibanki CRDB yabandanije amenyesha ko mu gihe UBurundi ari nk’umukinyi ngenderwako mu butunzi bwo mu karere,igikorwa cabo ari ico gushiraho uburyo bwiza bwo gutuma igihugu gitera imbere babicishije mu mashirahamwe mato mato na manini,kandi ko bazofasha cane mu gisata c’uburimyi mu gihe arico gitunze abarundi benshi.

Docteur Kimei akaba yaboneyeho akaryo ko gusaba ibanki nkuru y’igihugu n’ubushikiranganji bw’ikigega ca Reta gukora ibishoboka vyose kugira ngo ibikorwa vy’amabanki vyoroherezwe kandi ko banezerezwa n’ukuntu boroherezwa mu gikorwa mu gihugu.

Umukuru w’igihugu kubwiwe ngo harakenewe amabanki azoshika ku banyagihugu akabashikiriza ivyo bakeneye,yongera abamenyeshako abanywanyi babo bazokenera ibikorwa biborohereza.

Ibanki CRDB rero ikaba yiyemeje gukorera neza abanywanyi ngo nkuko ibigira mu gihugu ikomokamwo ca Tanzaniya.