Burundi : Ikirangaminsi c’amatora uko azokurikirana

Amatora Uburundi bwimirije ategekanywa hagati y’ukwezi kwa Rusama n’ukwezi kwa Myandagaro uno mwaka.

Mu gihe aba n’abandi baguma babaza ikirangaminsi c’amatora twimirije muri uno mwaka w’2015, ikinyamakuru IGIHE cashimye kubibutsa ingene ayo matora azokurikirana.

Kw’igenekerezo rya 25 Rusama uno mwaka hategekanywa amatora y’abashingamateka hamwe n’ayabahanuzi b’amakomine .
ku wa 26 Ruheshi uno mwaka hategekanijwe amatora y’umukuru w’igihugu ku ncuro ya mbere.
Ku magenekerezo ya 27 Mukakaro hategekanijwe amatora y’umukuru w’igihugu incuro igira kabiri.
Kw’igenekerezo rya 17 Mukakaro hategekanijwe ay’abakenguzamateka, hakazoherukira amatora y’abahanuzi b’imitumba n’amakaritiye kuwa 24 Myandagaro uno mwaka w’2015.

Tubibutse ko intonde z’abiyandikishije nazo zitegekanywa kumanikwa kuva kuwa 12 gushika kuwa 16 Ntwarante , iyandikwa kubatabishoboye ubwa mbere naryo rikaba ritegekanywa ku magenekerezo ya 17 gushika kuwa 19 Ntwarante.