Accueil > Kwidagadura > Abacuraranzi > Chany Queen na Kook-k bagomba gukura urukukuru bemeza abo bakundana
Chany Queen na Kook-k bagomba gukura urukukuru bemeza abo bakundana
vendredi 14 Ntwarante 2014
Abaririmvyi Chany Queen na Kook-k bagiye gushira ku mugaragaro urukundo abenshi bahora bamwe bibazako atarivyo, abandi batinya kubivuga kuko boba banka gukwiragiza urusaku. Ubu rero ntibikibaye urusaku canke imbeshere. Kook-k arashira ku mugaragaro urukundo bakundanye na Thity love. Chany queen nawe abwire isi n’ijuru urukundo bakundanye n’umuririmvyi R. Flow.
![](local/cache-vignettes/L672xH450/1969182_471640186296575_74801247_n-e7024.jpg?1550919427)
Abo baririmvyi basanzwe bakundana n’abandi baririmvyi bashimye gukorera hamwe ururirimbo rwo gukura urusaku n’urukurukuru mu nzira. Mu ruririmbo "How Much I Love", umuririmvyi, umukinyi w’amareresi akaba n’umuhinyanyuzi Kook-k yifadikanije n’umuririmvyikazi Chany Queen baravugira ahabona urukundo uwo wa mbere akunda umuririmvyikazi Thity Love, Chany Queen nawe yikora mu gahogo akura ku nzira abahora bibaza ko bakundana.
Kook-k avuga ko gukora ururirimbo nk’urwo ari kugaragaza urukundo bafitaniye abakunzi babo. Bashaka kubivana mu gifuri. Wewe amaranye imyaka ibiri na Thity Love mu gihe Chany Queen bamaranye imyaka 3. Kook-k ati : "Twashatse abantu babimenye ko dukundana, ko ata kinyoma kirimwo." Kook-k abandanya avuga ati : Kugaragaza urwo rukundo ntibisigura ko tugira tugire ubugeni umwe wese n’uwiwe, ariko dushaka gukura ku nzira abahora bibaza ngo turakundana".
"How Much i Love U" yakozwe na Kook-k ubwiwe kandi yashizemwo ibirungo vyose kugira urwo ruririmbo ruzosohoke rwikwije haba mu majwi no mu masanamu.
Amwe mu masanamu (photo) yamaze kuja ahabona
![](local/cache-vignettes/L160xH200/photo.php-5-95f64.jpg?1517309160)
![](local/cache-vignettes/L672xH450/1969182_471640186296575_74801247_n-e7024.jpg?1550919427)
Chérif Nkeshimana
Messages
14 Ntwarante 2014, 20:37, par Merlin
Je ndabashigikiy we gusa ni mubemeze abavuga ibidakenew
15 Ntwarante 2014, 22:15, par Gérard NZOYISABA
Nivyiza. Iyi site ndayibonyubunye. Ikorerahe? Ushakabashikirizibikorwa yobatoragute?
16 Ntwarante 2014, 08:15, par ko
@Gerard NZOYISABA rungika iciyumviro cawe kuri info@igihe.bi