Edouard Nduwimana arahanura abatavuga rumwe na Reta

Umushikiringanji w’intwaro yo hagati mu gihugu Edouard Nduwimana yaragirishije inama abari mu migambwe itavuga rumwe na Reta,kuri uno wa mbere igenekerezo rya 11 Ruhuhuma 2013.

Nk’uko amakuru dukesha iradiyo y’igihugu,umushikiranganji Nduwimana arahanura abo mu migambwe itavuga rumwe na Reta gutunganya gushasha imigambwe yabo mu ntumbero yo gutegura amatora yo mu mwaka w’ 2015.

Iyo nama yabereye ku mugwa mukuru w’intara ya Muyinga,yari yitabwe na ba musitanteri,abarongoye imigambwe mu ntara,abakorera mu bisata bitandukanye hamwe n’abari mu mashirahamwe adaharanira inyungu za politike.