Kayanza: Haratangujwe umugambi wo kwegereza ubutegetsi abanyagihugu

Mu ntumbero gufasha ama komine kwiteza imbere mw’iterambere, Umushikiranganji w’iterambere ry’ama komine, Jean Claude Ndihokubwayo yaratanguje kuwa gatanu igenekerezo rya 19 Ndamukiza 2013, mu ntara ya Kayanza, umugambi wo kwegereza ubutegetsi abanyagihugu.

Uwo mugambi ufashwe mu mugongo n’igihugu ca Suisse, ukaba uzotwara amafaranga y’amanyaburaya angina n’imiliyoni zitatu(imiliyaridi zitandatu z’amafaranga y’amarundi, mu kiringo c’imyaka ibiri.

Umushikiranganji Ndihokubwayo yasavye abajejwe intwaro mu ntara ya Kayanza gutegura imigambi y’iterambere izoheza igafatwa mu mugongo.
Uwo mugambi ukaba uje hageze kuko intara ya Kayanza ifise ingorane ziturutse ku rwirirana ry’abantu. Yasavye kandi ko hoba itunganwa ribereye mu migambi yose izokorerwa muri iyo ntara.