Accueil > Ubutunzi > Ibanki y’u Budagi ijejwe iterambere igiye gufasha u Burundi
Ibanki y’u Budagi ijejwe iterambere igiye gufasha u Burundi
mercredi 23 Nzero 2013
Kuri uno wa kabiri igenekerezo rya 22 Nzero 2013,Leta y’u Burundi hamwe n’ibanki y’u Badagi ijejwe iterambere KFW barashize umukono ku masezerano y’infashanyo y’amafaranga imiriyoni 17 z’amafaranga y’abanyaburaya.
Ayo mafaranga ibanki y’u Budagi ijejwe iterambere izoha u Burundi akaba azokoreshwa mu kubandanya ibikorwa vyo gufashanya hagati y’u Burundi n’u Budagi mu gisata c’amazi n’isuku,mu gice ca gatatu.
Uwo mugambi rero ukaba uzofasha na cane cane mu gukwiragiza amazi meza ku banyagihugu batararonka akaryo ko gushikirwa n’amazi meza.
Umushikiranganji w’ikigega ca Leta Tabu Abdallah Manirakiza akaba ariwe yashize umukono kuri ayo masezerano.
Sylvere Bavumiragiye
