Accueil > Ubutunzi > Icayi, ikawa n’ipampa biye kwitabwaho cane-Victoire Ndikumana
Icayi, ikawa n’ipampa biye kwitabwaho cane-Victoire Ndikumana
mardi 25 Kigarama 2012
Igisata c’ubutunzi ngo kiraraje ishinga umushikiranganji w’ubudandaji. Ibiterwa bigiye kwitabwaho cane ni ikawa,ipampa,ivyamwa,imboga n’icayi.
Ubushikiranganji bw’ubudandaji ngo bugiye guteza imbere ubutunzi hagati mu gihugu,guhingura ibiterwa bija mu makungu no kuduza ubutunzi muri rusangi. umushikiranganji Victoire Ndikumana atwara ico gisata niwe abimenyesha.
Mu kiganiro yahaye bagenzi bacu b’ikinyamakuru Iwacu, umushikiranganji w’ubudandaji Victoire Ndikumuna yavuze ko u Burundi bufise ibice 4,2 kw’ijana vy’ubutunzi ariko ngo hariho n’ibihugu bifise mu nsi y’ubusa.
Kugira ubutunzi bwisununure, Ndikumana Victoire avuga ko hagiye kwitabwaho cane cane ibiterwa njabukamazi ikawa,icayi,ipampa n’ibindi kugira bigire akanovera gahagije. Ikindi naco ngo nukurondera ibindi bidandazwa vyo gushora mu makungu nk’ivyamwa,imboga n’ibindi nka za services zo gutumanatumanako amakuru n’ubwenge.
Ariko ngo u Burundi buracakeneye umuyagankuba mwinshi cane wo gukoresha mu mahinguriro. Asaba abagwizatunga b’abarundi na mvamakungu gushiraimitahe muri ico gisata c’umuyagankuba.
Kw’ifoto: Victoire Ndikumana, umushikiranganji w’ubudandaji
Pierre Claver Niyonkuru
