Igitabo c’ubudandaji kigiye kuza kirabarizwa mu kigo API

Igitabo c’ubudandaji kigiye kuzohora gitangirwa mu kigo cishinze kworohereza abanyamitahe hano mu Burundi API.

Kuri uno wa kane, igenekerezo rya 13 munyonyo niho inama nshingamateka yatora integuro y’itegeko isubiramwo itegeko inimero 1/07 ryo kuwa 26 Ndamukiza rigenga amategeko ajanye n’urudandazwa.

K’ubwo umushikiranganji w’ubudandaji Marie Rose Nizigiyimana ari nawe yashikirije iyo nteguro imbere y’abashingamateka , avuga ko iyo nteguro ije kuzotorera inyishu ibibazo bibiri ica mbere n’ikijanye n’ukugira amategeko y’ Uburundi aje ku rugero rumwe n’ayo mu karere k’ Afrika y’ubuseruko. Ikindi n’ikijanye n’igitabo c’ubudandaji arico ‘’Registre de commerce’’, icahindutse n’uko kitasozubira gutangirwa muri sentare y’ubudandaji ahubwo kizotangwa na ca kigo cishinze kworohereza abanyamitahe hano mu Burundi API( Agence Burundaise pour la Promotion des Investissements)