Imigambwe itatu yiyunze ihindukamwo "PASIDE"

Mu nama yabahuje kuri uwu w’Imana, imigambwe itatu ariyo ABASA, PACONA na PPDRR yafashwe ingingo yo kwiyunga mu ntumbero yo kwitegurira neza amatora yo mu mwaka w’2015. Ukwo ari itatu, iyo migambwe yagiye hamwe ishinga umugambwe umwe ariwo "PASIDE"

Imigambwe itatu ariyo ABASA, PACONA na PPDRR, yemewe n’amategeko mu Burundi, yaratunganije ikoraniro ryo kwitunganya mu ntumbero yo kwitegurira amatora. Abakuru b’iyo migambwe uko ari batatu babanje kurabira hamwe amategeko yagenga imigambwe yabo, kugira bayashire ku rugero rumwe (analyse et harmonisation). Urunani rw’iyo migambwe itatu rwavuyemwo umwe ariwo PASIDE. Uburongozi bw’uwo mugambwe bwahawe Aloys Baricako, akaba ariwe agiye kwitura ubushikiranganji bw’intwaro yo hagati mu gihugu, kugira awusabire kwemererwa gukorera imbere y’amategeko.

Mu bikorwa nyamukuru uwo mugambwe PASIDE ugiye gushimikirako, Aloys Baricako umukuru wawo, amenyesha ko ari ugukingira ibidukikije.