Inama nshingamateka isaba Reta kurondera ibikoresho vyo gukinga impanuka

Inama nshingamateka yasavye Reta y’uburundi ko yorondera ibikoresho bikwiye vyo gukinga impanuka, ivyo bikaba vyashikirijwe inyuma yaho isoko nkuru ya Bujumbura ihiriye igatokombera kubera umuriro wadutse , igipolisi kikaba camenyesheje ko atabikoresho bikwiye cari gifise kugirango gishobore kuzimya umuriro.

Kuri uyu wambere igenekerezo rya 4 Ruhuhuma umwaka w’2013, Piyo Ntavohanyuma umukuru w’inamanshingamateka yarasavye ashimitse Reta ko yorondera ibikoresho vyose bikenewe mu bikorwa vyo gukinga impanuka, ivyo akaba yabitangaje mugihe abashingamateka bari mu bikorwa vyo gutanguza inama isanzwe yo muri uyu mwaka.

Muri iyo nama abashingamateka bakaba bazokwiga integuro z’amategeko zitandukanye harimwo,itegeko rishasha rizogenga umwuga wo kumenyesha amakuru , itegeko riraba isubirwamwo ry’itegeko mpana vyaha, n’itegeko riraba ishigwaho ry’umugwi ujejwe ukuri no kurekuriranira.