Jay-Z: "Beyoncé baramubeshera ntiyibungenze"

Biciye ku butumwa yarungikiye Ebro Darden, umuyobozi w’insamirizi Hot 97’s yo mu gisagara ca New York, Jay-Z, umuririmvyi wo mu mudiho wa Rap yagaragaje umubabaro wiwe ku bihuha bimaze imisi bivuga ko Beyoncé yoba arindiriye umwana wa kabiri.

Jay-Z yandikiye uwo muyobozi ati : « Beyoncé ntiyibungenze! Ababivuga barabesha ». N’agashavu kenshi yavuze ati : « Amaradiyo arakuza inkuru »

Beyoncé na Jay-Z batanguye gukundana mu mwaka w’2002, baca bubaka urwabo icese mu mwaka w’2008, baca bibaruka umwana wabo wa mbere w’umukobwa yitwa Blue Ivy, uno musi afise umyaka umwe n’amezi ane.