Kirundo : Isukari yafashwe yahawe ibigo bireze abana

Amatoni agera kuri cumi y’isukari yafatiwe mu makomine atandukanye y’intara ya Kirundo, yahawe ibigo bireze impfuvyi hamwe n’amashure afise uburaro.

Buramatari w’intara ya Kirundo Reveriyano Nzigamasabo akaba yafashe iyo ngingo mu ntumbero yo gutuza abinjiza ivyamagendo. Iyo sukari yafatiwe mu makomine atandukanye y’intara ya Kirundo nka Busoni, Vumbi, Kirundo, ikaba yaciye ihabwa abayobozi b’ivyo bigo. Buramatari Nzigamasabo, akaba yasavye abahawe iyo sukari kutayidandaza kuko nabo nyene bafashwe bakaba bazoca bahanwa bimwe vy’akarorero. Avuga ko uwo hirahira agashora iyo sukari, azoca akurikiranwa n’ubutungane.

Mukamenya ko iyo sukari yinjira ivuye mu gihugu c’Urwanda, mu gihe hari iyisanzwe akorwa muri SOSUMO ku ruhande rw’Uburundi.