Kobero : Umukuru wa posita ari imbere y’inyamiramabi

Uwurongoye posita y’ikobero muri komine ya Butihinda mu ntara ya Muyinga, ari mu minwe y’inyamiramabi, aho yagirizwa ubunyonyezi bw’amafaranga.

Umukuru w ‘ibiro vya posita y’i Kobero Freddy Bukuru akaba yafashwe n’igiporisi gituza abarya ibiturire aca ajanwa mu minwe y’inyamiramabi, aho ariko arabazwa ku miriyoni zine z’amafaranga y’amarundi, yagirizwa kuba yoba yaranyuruje, muri ivyo biro vya posita asanzwe arongoye.

Kuva kuri uyu wa kane ku muhingamo w’igenekerezo rya 22 Rusama akaba Freddy Bukuru yarafashwe n’igiporisi kirwanya abonona amatungo ya Reta, aca ajanwa kubazwa, kuri ayo mafaranga yagirizwa kuba yaranyuruje.