Leta y’uburundi yagarukiye abanyagihugu bo mu Makebuko

Muri uno mwaka, abarimyi ntiborohewe, aho mu mihingo myinshi imvura itaguye ku mwanya wayo, canke ahandi naho hakarwa nyinshi, itwara ibiterwa ikonona n’imirima arivyo navyo vyazanye inzara mu mihingo itari mike y’igihugu.

Kuri uyu wa gatanu igenekerezo rya 22 Ntwarante 2013, Leta y’Uburundi, biciye ku bushikiranganji bwo gufatana mu nda yaratanze ibifungurwa ku banyagihugu bo muri komine Makebuko, mu ntara ya Gitega bahuye n’impanuka y’imvura ivanze n’imiyaga.