Michael Jackson yoba yarapfumbatishije imiryango 24 ije mu gacerere

Umuhinga yigenda mu kugendereza yararatoye impapuro n’ibindi vyemezo vyuko umuririmvyi Michael Jackson yoba yarahaye igipfukamunwa iminryango 24 ivamwo abana yoba yarashurashuje.

CADCE MJ-02463 hamwe na CR 01046: ayo niyo mazina ahinyitse yahawe ama dosiye yagizwe ibanga ku vyerekeye ivyo Michael Jackson. Izo dosiye zatowe n’umuhinga yigenga muvyo kugendereza. Izo dosiye zirimwo ibirego vyagirizwa Michael Jackson kuvyerekeye ugusambanya abana batarashikana imyaka 18. Ariko ku matohoza uwo mushakasha yakoze, izo dosiye zagizwe ibanga kuko Michael Jackson yoba yarahaye imiriyoni 27 z’amahera y’amanyaburaya y’igipfukamunwa ku miryango 24 y’abana uwo muririmvyi yoba yarasambanije.

Vyongeye, ikinyamakuru Sunday People cazukuruye impapuro z’ivyegeranyo, amakasete, amajwi yo kw’iterefone vyo mu giporisi ca FBI zo mu 1989. Ivyo navyo bikaba bisa n’ivyerekana ko uwo muhisi haheze imyaka 4 yitavyimana yoba yarahaye igipfukamunwa imiryango y’abana 24 yoba yarasambanije.

Micheal Jackson akaba yari yahaye akazi umuhinga yigena mu kugendereza arondera imiryango y’abo bana bose. Gutyo rero ngo aheze abahe igiturire maze ntibaze baze kumwagiriza imbere y’ubutungane mu 2005. Aho naho yarafise urubanza yagirizwamwo gusambanya abana bakiri bato batarashikana imyaka 18. Uwo muhinga yigenga mu kugendereza akaba yarakoze akazi kiwe kuko ngo ntibigeze baseruka murubanza rwo mu 2005.