Regideso : Barizeza abanywanyi ko mu ndwi zibiri umuyaganku​ba uzoba ukwiye

Mw’ishirahamwe Regideso barizeza abanywanyi b’iryo shirahamwe basanzwe bakora ibikorwa bikenera umuyagankuba ko ivyo gukurakuranwa bigiye kurangira mu kiringo kitarenga indwi zibiri.

Mu kiganiro n’abanditsi n’abamenyeshamakuru cabaye ku muhingamo wo ku munsi wa gatatu, umuyobozi w’ishirahamwe REGIDESO (la Régie de production et de distribution d’eau et d’ électricité au Burundi Libérat Mpfumukeko yaremesheje abanywanyi b’ishirahamwe arongoye, kuko bari bamaze iminsi bidoga ko ata muyagankuba ukwiye baronka. Umuyobozi wa REGIDESO yabijeje ko mu ndwi zibiri gusa ivyo gurakuranywa umuyagankuba bimwe bita délestage bizoba vyarangiye. Agasigura ko ibikorwa vyo gusanura ivyuma bisanzwe bitanga umuyagankuba vyari vyahagaze, ariko akavuga ko ubu vyasubiriye ndetse biri no mu kurangira, nk’uko Liberat Mpfumukeko abandanya abishikiriza.

Ku vyavuzwe naho ko hari umuntu amaze iminsi atanga ama unité agatangisha n’ amafranga ariko ataramenyekana, kandi asanzwe avuga ko akorera ishirahamwe REGIDESO, Muri iryo shirahamwe bamenyesha ko bariko bakora amatohoza niho yafatwa azohanwa bisunze amategeko.