SYGECO : Amakenga ni menshi kw’ihindagurika ry’ibitigiri kw’isoko nshasha ya COTEBU

Amakenga ni menshi muri sendika y’abadandaza SYGECO,bitumwe n’ukungene wa murwi watorwa kugira utanga ibibanza mw’isoko mfatakibanza ya Cotebu ,buri igihe uguma uhindagura ibitigiri vy’ibibanza biri muri iyo soko.

Sendika y’abadandaza SYGECO syndicat general des commercants isanzwe ivuga ko yakumiriwe muri ivyo bikorwa,mu kiganiro n’abanditsi n,abamenyehamakuru co kuri uno wa kane, imenyesha ko batangazwa cane n’ingene abarongoye uwo murwi baguma buhindagura buri gihe ibitigiri v’ibibanza biri muri iyo soko mfatakibanza ya COTEBU. Aho ivyo bibanza vyavuye ku bibanza 2552 ubu ku ncuro igira kane bakaba bamenyesheje ko hari ibibanza 2303.

Ku bwabo biratangaje ingene ibibanza bisigaye vy’iyimura,kuko biguma bigabanuka buri igihe,bakavuga ndetse vyoba bishoboka ko hari n’ibitigeze bishirwako amanimero, kuri ubwo muri sendika sygeco bavuga ko ivyo vyerekana neza ko uyo murwi n’abawugize badaserukira na gato inyungu z’abadandaza babuze ivyabo mw’isoko nkuru ya Bujumbura,ahubwo ko boba babashizwemwo kugira bashigikire amanyanga ariko arakorwa.

Sendika SYGECO isaba ko horonka ikibanza umudandaza wese yarafise amasezerano ata kindi kirabwe n’ukuvuga ko contrat yose ironka ikibanza , isaba ko abadandaza bakorera mu bibanda bariha ku munsi ku munsi muri SOGEMAC cane cane abo muri karitiye ya mbere ko nabo nyene boronswa ibibanza. Isaba kandi ko abatanga ibibanza ko bokwibuka ko hari abadandaza bahishirije ivyabo mw’isoko nkuru ya Bujumbura, ko atowubura ikibanza kandi hariho ama listes bakuye muri sogemac. Basaba kandi ko amanimero yahoze ku bibanza mw’isoko nkuru ya Bujumbura ariyo yoshirwaku bibanza muri iyo soko ya COTEBU kugira habeho umuco mw’itangwa ry’ibibanza , eka n’abari bapanze baronke uburenganzira bwo gusubira gupangira abo bari bapangiye.

Abadandaza nabo bataronse ibibanza basabwa kubimenyesha sendika y’abadandaza SYGECO kugira ishobore kukurikirana neza ibibanza vyabo.