SYGECO isaba ishirwaho ry’umurwi wigenga utatura amatati hagati y’amabanki n’abanywan​yi bayo

Sendika ihurikiyemwo abadandaza Sygeco isaba Reta gushiraho umurwi wigenga ujejwe kuja hagati mu matati akunda kwibonekeza. hagati y’amabanki hamwe n’abanywanyi bayo ma banki nyene.

Ku munsi wa kabiri igenekerezo rya 25 Ntwarante umwaka wa 2014, mu kiganiro n’abanditsi n’abamenyeshamakuru sendika sygeco yasavye Reta ko yoshiraho umurwi wigenga uzoba ujejwe kugenzura amatati ari hagati y’amabanki. hamwe n’abanywanyi bayo , kugira ibikorwa vyayo ma banki bibandanye bigenda neza mu Burundi. Ako kamo sendika sygeco yagateye mu gihe idahengeshanya kwidoga ko ama banki y’ubudandaji adasiba kurenga ku masezerano aba yagiranye n’abanywanyi bayo.

Muri ico kiganiro , Martin Sindaruhuka ,icegera c’umukuru wa sendika y’abadandaza yamenyesheje ko hari utunenge tutari duke dutuma amabanki adakorana neza n’abanywanyi babo.