Accueil > Ubutunzi > SYGECO yituye umurwi w’igihugu ujejwe ibiganiro
SYGECO yituye umurwi w’igihugu ujejwe ibiganiro
mercredi 9 Mukakaro 2014
Sendika y’abadandaza SYGECO yarituye umurwi w’igihugu ujejwe ibiganiro (comité national de dialogue ) iwusaba kugondoza wa murwi washingwa inyuma y’isha ry’isoko nkuru ya Bujumbura, urongowe n’icegera ca kabiri c’umukuru w’igihugu kugira wemere ibiganiro n’abadandaza.
Mu kiganiro yahaye abamenyeshamakuru kuri uno wa kabiri igenekerezo rya 8 Ntwarante, Audace Bizabishaka arongoye sendika y’abadandaza SYGECO yamenyesheje ko bibabaje kubona umwaka n’igice urangiye, icegera ca kabiri c’umukuru w’igihugu atarigera ahura n’abadandaza baburiye ibintu vyabo mw’isoko nkuru ya Bujumbura, kugira bavugane uko boronka ibibanza mu soko mfatakibanza iriko irubakwa.
Sendika y’abadandaza SYGECO ikaba yahisemwo kwitura umurwi w’igihugu ujejwe ibiganiro iwusaba ko wogondoza wa murwi washingwa inyuma y’isha ry’isoko nkuru ya Bujumbura washizweho na Reta, urongowe n’icegera ca kabiri c’umukuru w’igihugu, ko wokwemera kugiranira ibiganiro na sendika ihurikiyemwo abadandaza SYGECO.
Kubwa Audace Bizabishaka arongoye iyo sendika, ivyo biganiro bikazoshimangira ahanini ukungene abadandaza baburiye ibidandazwa vyabo mw’isoko nkuru ya Bujumbura, boronka ibibanza mw’isoko mfatakibanza ya COTEBU.
Floxella Karire
