Ubuzima bwasubiye kugendeka kuva aho amabisi agarukiye mu gisagara hagati

Ubuzima busa n’aho bwasubiye kumera nk’mbere yuko isoko nkuru ya Bujumbura isha. Ubu hirya no hino y’isoko haribonekeza abadanza utuntu dutoduto nkuko vyari bihari haheze hafi amezi abiriri.

Ikibanza cahahoramwo isoko nkuru ya Bujumbura kumwe nahahora igituro c’ama bisi yunguruza abantu baja mu bice vyose vy’igisagara ca Bujumbura vyari vyarugawe kw’itegeko ry’umukuru w’igisagara ca Bujumbura inyuma y’ivyago vy’aho isoko ihiriye.

Kuva kuri uyu wa mbere aho ingingo y’uko amabisi atangura gushika aho hahora isoko, ubuzima bwasubiye kumera nka mbere aho usanga abantu banze utuntu dutandukanye udufungurwa, impuzu n’utundi. Abantu bakaba bicara kunkengera y’ibarabara riri hagati yahahora isoko n’umurongo wa plaza na posita.

Naho biri uko bavuga ko bafise ikibazo c’uko abantu batarasubira kumenyera ko bahitana utuntu bavuye kukazi. Ariko barizera ko, uko imisi izohera ariko bazoza baramenyera. Abandi nabo baracafise ubwoba ko abapolisi bashobora kubaka utwabo umwanya uwariwo wose.

Abarengana bo barashima ko basubiye kuza bararonka aho basumira, mugihe baba bariko bararengana. Ariko rero nabo nyene barasaba ko uruzitiro bagiriye isoko rwatwaranye n’igice c’ibarabara, ngo bogabanya bakigiza uruzitiro ku mpome z’isoko kugira hashobore kwaguka.

N’abasegerereza bahahora bavuga ko ubu bashima ko barose aho bicara n’aho bavuga ko abantu batakibaraba nka kera, ivyo bigatuma ataco bakironka.