Accueil > Poritike > Umucanywa wadutse mw’isoko nkuru ya Bujumbura watumye Umukuru w’igihugu (...)
Umucanywa wadutse mw’isoko nkuru ya Bujumbura watumye Umukuru w’igihugu ahagarika urugendo
dimanche 27 Nzero 2013
Umukuru w’igihugu cu Burundi Pierre Nkurunziza yahagaritse urugendo yarimwo i Addis Abeba ahariko habera inama igira 20 idasazwe ry’ishirahamwe ry’ubumwe bw’Africa biturutse kumucanwa wadutse ukanaturira isoko ryose rya Bujumbura.
Abaserukiye igihugu c’uburundi bari bakoraniye munzu iberamwo amanama y’ ishirahamwe ryabanyafrica i Addis Abeba igihe bumvako isoko nkuru ya Bujumbura ririko riratokimbera numucanwa kuva mugatondo .
Intadaro y’ uwo muriro ntiramenyekana ,amakuru amenyeshwa numwe mubajejwe gutanga amakuru mubiro vy’umukuru w’igihugu amenyesha ko habayeho ikibazo c’insinga zimuyankuba .
Police na barongozi bigisagara ca Bujumbura baracariko barakurikirana icaba cateye uwo mucanwa mw’isoko nkuru ya Bujumbura.
Twobamenyesha ko imari yari muri iryo soko ingana namamiriyaridi meshi yamafaranga y’amarundi.
Alice Anny Akingabiye
