Accueil > Ubutunzi > Umugambi uzofasha kunagura urudandazwa rwo hanze y’igihugu
Umugambi uzofasha kunagura urudandazwa rwo hanze y’igihugu
mardi 10 Nyakanga 2013
Kuva kuri uno munsi gushika ku munsi w’ejo kuwa gatatu, hatunganijwe uruganda rwo guhanahana ivyiyumviro ku mugambi “ Projet Cadre Intégré Renforcé” umugambi ujejwe gufasha ibihugu bikiri inyuma mu majambere, kugira bishobore gutera imbere mu bijanye n’ugushora hanze ibidandazwa.
Muri uwo mugambi, ihangiro ni ukuraba ingene Uburundi bwokwitunganiriza neza igisata c’ubudandaji, cane cane ibidandazwa bishorwa hanze y’igihugu. Léonard Ntibagirirwa, umuhuzabikorwa w’uwo mugambi yamenyesheje ko ibihugu bishora vyinshi hanze arivyo biheza bigatera imbere kuko n’amafaranga y’agaciro yinjira mu gihugu aheza akongerekana.
- Léonard Ntibagirirwa, umuhuzabikorwa w’umugambi “ Projet Cadre Intégré Renforcé”
Léonard Ntibagirirwa amenyesha ko bitumvikana ingene Uburundi bwokwama bushora ibidandazwa vya bindi nyene gusa, kandi hari n’ibindi birimwa mu Burundi.
Uwo mugambi rero uzofasha kuronsa abahinga bategura imigambi myiza, gutyo n’abafasha Uburundi bayifatireko.
Urwo ruganda rwatanguye uno munsi ruzofasha kwitegurira neza inama y’abafasha Uburundi izoba mu kwezi kwa Gitugutu.
![](local/cache-vignettes/L448xH336/dsc02877-7e4ec.jpg?1517551957)
Egide Nduwimana