UPRONA yoba igiye gusubira kwiyunga

Kuri uyu wa gatandatu igenekerezo rya 17 Ruhuhuma 2013, abarongoye UPRONA ku rwego rw’igihugu bari mu Rugazi mu ntara ya Bubanza aho bari bahuriye hamwe n’abarongoye uwo mugambwe ku rwego rw’ama komine mu ntara yose.

Kwari kugira bavugane aho ihuriro rigeze no guhuza abanywanyi bawo.

Ryari ihuriro ryo gusubira gukomeza JRR hamwe n’urunani rw’abakenyezi UFB, imihari ihurikiye mu mugambwe UPRONA.

Kubwa Karori Nditije, umukuru w’umugambwe UPRONA, uburyo bwiza bwo kwigisha abadasigana n’ukubasanga ku mitumba yabo no kwumviriza ivyubuzima bwabo bwa misi yose.