Abubaka inkombe z’uruzi Ntahangwa basaba kuronswa ibikoresho

Yanditswe na BIKORIMANA Vianney
Kuya 18 janvier 2018 saa 03:15
11025
0 0

Abakozi bakora ibikorwa vyo kwubaka inkombe z’uruzi Ntahangwa baridoga ko igikorwa bafise kitagenda neza bivuye kwibura ry’ibikoresho bakenera muri ivyo bikorwa.

Bamwe mu bakora ivyo bikorwa vyo kwubaka izo nkombe bavuganye n’ikinyamakuru IGIHE, bamenyesheje ko kuva mu kwezi kwa Mukakaro batanguye gukora ako kazi, kaba karaheze ariko kubera babura ibikoresho na cane cane amabuye babona kw’ico gikorwa kizohava kimara umwanya munini.

Umwe murabo bakozi atashimye kwivuga izina yavuze ati :“Amagabiyo ariho tubuze amabuye,kuva mu gatondo gushika isaha zine twari tumaze kuronka ibeni imwe y’amabuye, kandi jewe k’umusi nshobora kwubaka ibeni 3 ndumwe,ubu ibeni iriko yubakwa n’abantu 5.

Abo bubaka izo nkombe z’uruzi Ntahangwa bavuga ko iyo babajije uwubajejwe kuvyerekeye ayo mabuye aguma ababwira ko ibikoresho bigiye kuboneka.

Abanyagihugu baba muri ako gace ko muri Kigobe yo mu bumanuko ahariko hakorerwa ivyo bikorwa, bamenyesha ko ata nyishu bariko baratorera iyo ngorane yaho hantu, kuko na bimwe bimaze kwubakwa bimaze kwinjiramwo amazi ku buryo imvura ibaye nyinshi navyo nyene vyorengerwa.

Abo banyagihugu bavuga ko ata cizere bafise ko ivyo bikorwa bigiye kurangira kandi mu minsi iri imbere himirje imvura y’urushana ikunze kwonona aho hantu.

Ibikorwa vyo kwubaka inkombe z’uruzi Ntahangwa mu gace ka Kigobe yo mu bumanuko vyatanguye mu kwezi kwa mukakaro 2017 bikaba vyategekanywa guhera mu kwezi kwa Nyakanga umwaka wa 2017.


Kumenyekanisha

1
Kasim 19-01-2018 à 07:14

Turabemera caane !

2
Karumbeti Eloi 18-01-2018 à 23:49

Andika hano Nibabikore Vyodufasha Duciye Heza

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha