Gitega : Imvura ivanze n’umuyaba yaguruye amazu ihitana n’inkingi ya Radio Star FM

Yanditswe na MUGISHA Van Naris
Kuya 30 décembre 2017 saa 08:37
Yasomwe : 6759
0 0

Umwana umwe niwe yakomeretse,amashuri, utuzu twa surwumwe, n’imirima birononekara mu mvura nyinshi ivanze n’umuyaga yaguye inyuma y’umutaga wo kur’uyu wa gatanu igenekerezo rya 29 Kigarama 2017, mu gace ka Nyabugogo,ku mutumba Ntombwe, zone Mungwa, Komine n’intara ya Gitega.

Amakuru dukesha abarongoye intwaro ku mutumba Ntobwe, amenyesha ko ibisakazo vy’inzu n’imiburiburi umunani, amashuri abiri, n’utuzu twa surwumwe twa kijambere arivyo vyagurutse mu mvura ivanze n’umuyaga yaguye kuva nk’igihe c’isaha umunani z’umutaga kur’uyu wa gatanu.

NTAKARUTIMANA Ildephonse arongoye umutumba Ntobwe amenyesha kandi ko inkingi ituma amajwi ya Radiyo Star FM isamiranira mu karere ka Nyabugogo ashika kure yavunitsemwo kabiri,umwana umwe nawe yoba yakubiswe n’inkuba arakomereka, ubu akaba ari mu bitaro.

Mu giporisi c’Uburundi baremeza ayo makuru,umuvugizi w’igiporisi Pierre NKURIKIYE amenyesha inzu zononekaye, muri quartier Nyabisindu, umukobwa w’imyaka 15 akubitwa n’inkuba, amabati y’utuzu twa surwumwe 6 tw’Ishuri ryigisha ubuhinga bwo kurima ITAB ry’i Mweya nayo araguruka.

Umukuru w’umutumba Ntobwe asaba abagiraneza kugarukira ku miryango idafise aho ikika umusaya kubera iyo mvura yaguruye ibisakazo vy’amazu yayo, kuko gushika ubu ata bariko basaba indaro kandi bari basanzwe bafise aho baba.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha