Kebby Boy na Voltage Music basohoye "Onyirira"

Yanditswe na Cherif NKESHIMANA
Kuya 27 juillet 2017 saa 05:59
Yasomwe : 2520
0 0

"Onyirira" canke "Mukobwa mwiza", ni ururirimbo rwasohotse, rukozwe n’abaririmvyi b’Abarundi n’abo muri Uganda. Rwakorewe i Kampala, na vidéo ishobora kuzokorerwa muri ico gihugu ca Uganda.

Kebby Boy ari kumwe n’umurwi "voltage Music" bakoranye ururirimbo "Onyirira" ari narwo rwashizwe ahabona. Ururirimbo rwakozwe n’umuhinyanyuzi Vad asanzwe akorera amajwi y’indirimbo abo baririmvyi bo muri Uganda.

Kebby Boy arashima uko ururirimbo rwakozwe, akanashima kandi ko amazina y’abaririmvyi b’Abarundi ariko amenyekana mu bihugu bibanyi no mu makungu.

"Onyirira", nk’uko Kebby Boy abivuga, ni ururirimbo ruhayagiza ubwiza bw’umwigeme. Bivugwa ko vidéo y’urwo ruririmbo igiye kuzokorwa n’umuhinyanyuza karuhariwe w’aho i Kampala.

Kebby Boy avuga ko gukorana n’abandi baririmvyi b’Abarundi bifise akamaro kanini, haba ku muririmvyi canke kw’ibendera ry’Uburundi. Ku bw’ivyo, uwo muririmvyi atubwira ko mu nteguro ziwe harimwo kugwiza gukorana n’abandi, ico yita ama "collabo".

Tubamenyeshe ko "Voltage Music" ari umurwi ugizwe n’abaririmvyi babiri aribo Kent Koojo na Michael Flosso, bazwi cane mu ndirimbo nka Tom&Jerry, Chezamama, Criminal canke Juliana.

Umviriza aho munsi ururirimbo "Onyirira" rwakozwe na Kebby Boy n’umurwi Voltage Music.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha