Petero NKURUNZIZA yemereye Ange Bernice Ingabire ko azobashigikira uko ashoboye

Inyuma y’umubonano umukuru w’igihugu c’Uburundi Petero NKURUNZIZA yahaye Miss Burundi Ange Bernice INGABIRE kuri uwu wa gatatu, yemeye kuzomushigikira muvyo ashoboye.

Mu butumwa yanditse ku muhora Facebook wiwe, umukuru w’igihugu Petero NKURUNZIZA yagize ati : "Urwaruka rw’Uburundi ni ubutunzi budasanzwe ku gihugu. Nararonse umwanya wo kuganira n’umwigeme w’akaranga, Ange Bernice Ingabire, afise ivyiyumviro birashe kandi yipfuza guteza imbere igihugu, na cane cane mu gufasha abana bavukana ubumuga. Ari kumwe na bagenzi we, narabatekereye impanuro zizobafasha kubera akarorero keza urundi rwaruka, no kubungabunga imico myiza n’akaranga vy’Uburundi. Narabemereye ko tuzobashigikira uko dushoboye."