Ubufaransa: abakinyi basabwa amakori menshi

Imirwi y’imupira w’’amaguru yo mu Bufaransa yatangaje ko atazokina inkino zari zitegekanijwe mu mpera z’indwi za nyuma z’ukwezi kuza. Nta nkino nimwe yo mu gice ca mbere n’ica kabiri izokinwa.

Abakinyi benshi bo muri iyo mirwi bafise ubutunzi bubarizwa mu mamiliyoni. Izo ngingo iyo mirwi yayafashe kugira yiyamirize itegeko Leta ishaka gushiraho rivuga ko abantu binjiza amafaranga hafi mu mamiliyoni bagomba gutanga amakori angana n’ibice 75% vy’amafaranga binjiza.

Vyitezwe ko ico gihe ari naho abashingamateka bategekanya gutora iryo tegeko mu nama nshingamateka y’Ubufaransa. Leta ivuga ko amakori angana gurtyo akenewe kugira n’abantu batunze cane bagire uruhara rungana n’urw’abandi muri bino bihe vyo gutubika umukanda. Iyo mirwi yo ivuga ko bizotuma abakinyi b’abanyamahanga bava mu Bufaransa.