Abarorerezi b’ubumwe bwa Buraya bankiwe gukorana na Angola mu matora

Yanditswe na IGIHE
Kuya 18 Mukakaro 2017 saa 02:54
Yasomwe : 4923
0 0

Igihugu ca Angola camenyesheje ko kitazokorana n’abarorerezi b’ishirahamwe ry’ubumwe bwa Buraya mu matora yimirije muri ico gihugu.

Georges Chicoty, umushikiranganji w’imigenderanire ya Angola n’ayandi makungu, yavuze atarya umunwa ko igihugu ciwe kititeze kwakira itegeko na rimwe ry’uwoza abategeka ingene bakurikirana amatora canke abigisha.

N’aho biri uko, umushikiranganji Chicoty avuga ko ubutumire bwahawe ishirahamwe ry’ubumwe bwa Buraya bwugururira abashaka bose kuza kuraba amatora muri ico gihugu, ariko ko Reta y’ico gihugu ata masezerano n’amwe izogirana n’amashirahamwe mpuzamakungu y’indorerezi zobanza kwemeza canke kwanka ibizova muri ayo matora.

Amatora y’umukuru w’igihugu muri Angola azoba kw’igenekerezo rya 23 Myandagaro 2017, uwuzotsinda mu kibanza c’umukuru w’igihugu akaba azosubirira José Eduardo dos Santos amaze imyaka 38 ariwe aramutswa ico gihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha