Afirika y’Epfo: Hategekanije imyiyerekano izohagarika ibikorwa vya Reta

Yanditswe na Bikorimana Vianney
Kuya 7 June 2018 saa 10:55
9165
0 0

Urunani rw’abakozi ba Reta mu gihugu ca Afirika y’epfo bamenyesheje ko mu ndwi izakuva kw’igenekerezo rya 11 Ruheshi 2018 bazokora imyiyerekano ijanye no guhagarika ibikorwa mu gihugu cose.

Urwo runani rw’abakozi muri Afurika y’epfo basaba ko reta y’ico gihugu ibongera nimiburiburi ibice 12 kw’ijana ku gahembo kabo ariko reta yemeye ko izobongera ibice 7 kw’ijana ariko amashirahamwe y’abakozi ba Reta ntibabikozwako.

Umukuru w’urunani rw’amashirahamwe y’abakozi aho muri Afirika y’epfo,Tahir Maepa yavuze ko iyo myiyerekano bategekanya gukora izobangamira ibikorwa mu gihugu cose k’urugero rwo hejuru.

Bimwe mu bikorwa vyitezwe guhagarikwa nivyo mu bisata vy’ubutungane,imibano,kwugara imbibe hamwe n’igisata c’ingezi ariko ibisata vy’amagara y’abantu hamwe n’igisata c’igiporisi bizobandanya ibikorwa.

Reta y’igihugu ca Afurika y’Epfo yamenyesheje ko niyo iyi myiyerekano itegekanywa gukorwa n’abakozi bangana ibihumbi 230 izoba idakwirikije amategeko.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha